Zaburi 37:6 - KITABU KITAKATIFU

⁶ Yahova alakola uvulungi vuvwo vong'ereng'ane kuli uvulavu vuturaa ku iliuva.

Zaburi 37:6 ပူးပေါင်းရင်းမြစ်များ

Ayubu 11:17

Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

Zaburi 31:20

Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 58:8

“Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Jeremia 51:10

Yahova avoora, “Avandu vange vahanzuka, ‘Yahova amali kumanyia ndi kunyi koveeye mu vulungi. Gendi kuzie kovolere avandu mu Jerusalemi aga Yahova Nyasaye wiitu amali kokora.’ ”

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Matayo 13:43

Na avalungi valang'ereng'ana kuli liuva mu Vwami vwa Baba wavo. Oveeye na matu gu kuhulira, ahuliri.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.