Zaburi 37:40 - KITABU KITAKATIFU

⁴⁰ Yahova alavakonya kandi alavasoola, alavahonyia kutura ku avadamanu kigira vazizaa kuye vanyoore likingwa.

Zaburi 37:40 ပူးပေါင်းရင်းမြစ်များ

1 Kyetsinyinga 5:20

Vaviika lisuuvira liavo mu Nyasaye, ma nivaanira kuye avahe ovokonyi; na Nyasaye yavativulira lisaala liavo, kandi navakola avaguuti ku Vahagari na vakonyeleri vaavo.

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 27:2

Lwa vandu vadamanu vanzingilira nokogeriza kunzita, vikigitara nukugwa.

Zaburi 34:20

Yahova alindaa vigumba vie miviri jaavo, na sikeveeye ho kali kilala kuvio kinyala kusalira mba.

Tsing'ano 20:22

Utitungila vudamanu mba. Suuvira Yahova na alakokoonya.

Isaya 31:5

Inzi Yahova Wuvunyali ndakinga kandi ndahonyia avandu va Jerusalemi, kuli linyonyi likumberiza nokohonyia avana valio.” Kunangwa inzi Yahova Wuvunyali ndakinga kiguru cha Ziyoni.

Isaya 46:4

Inzi mbeeye Nyasaye winyu, ndaamulomba kandi ndamulinda, kuduuka lwa muva avasaakulu vi zimbuzi. Ndamukonya kandi ndamuhonyia.”

Danyeli 3:17

Niiva Nyasaye wakusaala aveeye nu vunyali kokohonyia kutura mu kisambiru cho lomemo lwu muliru kandi kutura ku vunyali vuvwo, maku alakola ndio.

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Danyeli 6:23

Mwami yaali nu vusangali vonene ligali, kandi nahaana malago go kovora Danieli atulizwi mu luhangaywa. Kunangwa vatuliza Danieli mu luhangaywa kandi valora ndi si yasalirizwa ni zisimba mba, kigira yasuuvira Nyasaye weve.

1 Yohana 5:18

Kumanya vulahi ndi, umundu woosi wivulwa kutura ku Nyasaye kokora uvwoni mba, kigira mwana wa Nyasaye amukingaa na kandi Setani sia lamusaliriza mba.