Zaburi 37:34 - KITABU KITAKATIFU

³⁴ Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 37:34 ပူးပေါင်းရင်းမြစ်များ

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 112:8

Siahendaa mwoyo anoho kutia mba, amanyia ligali alalola avasigu veve nivaguutwa.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 25:13

Valagasizwa kazozo, avana vaavo valanyora miandu ji kivala.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Zaburi 37:9

Yavo avasuuviraa mu Yahova, valanyora miandu ji lirova, navuzwa yavo avaveeye avadamanu, valatulizwa mu kivala yicho.

Zaburi 91:8

Ivi ulahenza vuzwa nokolola, kuli avachamu vahevwa mageri.

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Tsing'ano 16:17

Yavo avaveeye avalahi vagenda kunzira itaveeye nuvudamanu; kunangwa muhenzerizi wamuzizaa, na munyala kuhonyia livamwoyo lienyu.

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 29:16

Lwa vandu vadamanu vamiiha vudamanu vomedeka navuzwa vandu valungi vamenya kuduuka valore ligwa lia vandu vadamanu.

Isaya 57:13

Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”

Matayo 24:13

Navuzwa uyu ulakikuziri kuduuka ku keheri, alahonywa.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 5:6

Mwegehizi hasi hu vunyali vwa Nyasaye, naye alamunenehiza mu ing'inga yeeye indahi iduuka.