Zaburi 37:28 - KITABU KITAKATIFU

²⁸ Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 37:28 ပူးပေါင်းရင်းမြစ်များ

Ayubu 18:19

Sihalavaho nu mwana, anoho mwisukulu mu vandu veve, anoho mundu kali mulala sialatigala munyumba yeeye mba.

Ayubu 27:14

Niiva avana valamedeka kuvo, valitirwa mu vulwani, kandi visukululwi viavo si valava ni chukulia kivaduuka mba.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 21:10

Aladiviza visukululwi viavo kutura ku lirova kandi aladiviza avana vaavo vatuli hagati ha vandu.

Zaburi 37:25

Mu madiku gi lihindira liange, inzi sindaalola ku mundu musuuvirifu naleki Yahova mba, anoho avana veve nivasavaa chukulia mba.

Zaburi 37:40

Yahova alavakonya kandi alavasoola, alavahonyia kutura ku avadamanu kigira vazizaa kuye vanyoore likingwa.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Tsing'ano 2:22

Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Yohana 15:9

Inzi ndayaanza munyi kuli Baba ayaanza inzi. Mumenye mu vuyanzi vwange.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.