Zaburi 37:22 - KITABU KITAKATIFU

²² Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Zaburi 37:22 ပူးပေါင်းရင်းမြစ်များ

Ayubu 5:3

Inzi mali kolola avasiru ni vaveeye ni mirembe, navuzwa nonoho Nyasaye yalaama nukuvatuliza ho.

Zaburi 115:15

Yahova walomba ligulu nilirova, amugasize ligali.

Zaburi 119:21

Ivi ogondokera avigingiri; leka yavo avatahuliraa malago googo valaamwe.

Zaburi 128:1

Aveeye nuvugasu uyu utizaa Yahova, kandi ogendaa mu zinzira zizie.

Zaburi 25:13

Valagasizwa kazozo, avana vaavo valanyora miandu ji kivala.

Zaburi 32:1

Aveeye nu vugasu oyo wa mahiolo geege gasamiihiywi, kandi wu vwoni vwivwe vutuliziywi ho.

Zaburi 37:11

Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.

Zaburi 37:18

Yahova alindaa livamwoyo lia yavo avamuhulira. Kandi miandu ji lirova jilava jaavo mihiga ni mihiga.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 37:9

Yavo avasuuviraa mu Yahova, valanyora miandu ji lirova, navuzwa yavo avaveeye avadamanu, valatulizwa mu kivala yicho.

Tsing'ano 3:33

Yahova kilaamo kuzinyumba zia vandu vakora vuchamu, navuzwa agasizaa zinyumba zia vandu vaveeye avalungi.

Isaya 57:13

Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.