Zaburi 37:21 - KITABU KITAKATIFU

²¹ Mundu mudamanu niyegobi kindu, siyilanyaa mba, navuzwa mundu mulungi niyegobi, aveeye ni zimbavasi nu vuyanzi kwiranya viosi.

Zaburi 37:21 ပူးပေါင်းရင်းမြစ်များ

Zaburi 112:5

Aveeye nuvugasu mundu uyu oveeye muhaani kandi wegobizaa kevete vugira kwenya viambeti. Okolaa miyinzi jije nu vusuuvirifu.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Luka 6:30

Ukusava umuhe, na mundu naakunyaga vindu vivio, utamuvaanza mba.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Kwidzulitsa 28:12

Alakubiza imbura mu zing'inga ziayo kutura mwigulu na agasizaa miyinzi jije josi, kunangwa mwegobizi zihiiri zinyingi, navuzwa munyi simulasava kutura kuvo mba.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.