11 Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.
Yavo avayaanzaa lilaga liilio vaveeye nimirembe midukiru; kandi sikeveeye ho ni kindu kinyala kuvakola vagwi mba.
Valagasizwa kazozo, avana vaavo valanyora miandu ji kivala.
Kulizaa viukulia vilahi vinyingi via uhaanaa kuli mugera gwiturukaa. Kandi ivi olekaa kunwi kutura mu mugera gwu vulahi vuvwo.
Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.
Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.
“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.
Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”
“Vaveeye nuvugasu avaveeye avahooma, kigira valanyora imiandu ji lirova.
“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.
Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.
Mirembe ja Nyasaye, ijiveeye igulu kuvita limanya liosi liu umundu, jilalinda imioyo jinyu kandi zing'anagani zienyu vulahi mu Kristo Yeso.
Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.
Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.