Zaburi 36:4 - KITABU KITAKATIFU

⁴ Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 36:4 ပူးပေါင်းရင်းမြစ်များ

Esther 5:14

Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Esther 6:4

Umwami yateeva, “Vaveeyekuho ku vatumikiri vange mu mugizi?” Ku ing'inga yene yeyo Hamani yingira mu mugizi gwi inyumba yu vwami aduuki komoloma ku mwami kigira kusunga Modekai ku mwinuya ugwali nigolombeywi.

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Zaburi 38:12

Yavo avenya kunzita vamali kotega mitego jaavo ku inzi, yavo avenya kusaliriza vatihiza ukundiviza ligali. Sivaleka kunganaganira uvudamanu mu vwivisu mba.

Zaburi 52:3

Ivi wayanza kokora uvudamanu kuvita kokora uvulahi, kandi uyanzaa kovora uvugadi kuvita kovora agiligali.

Zaburi 97:10

Yahova ayaanza yavo avadunyiraa uvudamanu; akingaa livamwoyo lia vandu veve; avahonyiaa kutura kuzinguru zia avachamu.

Tsing'ano 24:2

Kutangiza vudinyu nigo gavaganaganaa vuzwa ing'inga yoosi lwavamoloma kuduuka lwa vasaliriza mundu.

Tsing'ano 24:23

Avageri vavoola vindu yivi kandi; sivoveeye vulahi avakalagi kuva ni liyaanzilira avadamanu mba.

Tsing'ano 4:16

Vandu vachamu sivanyala kogona nivatakoli kindu kidamanu mba. Vagona nivahenza kuduuka lwa vasaliriza mundu.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 27:1

Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Vikolwa 23:12

Lwa vwacha, Avayuda vavugana harara nivalohiza kuli vita Paolo. Visuuhizana nivavoora ndi, “Sikunyala kulia anoho kunwa niiva kukikiri kwita Paolo mba.”

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.

1 Samweli 19:11

Uvudiku vulala vwere yivwo Saolo yatuma vasaza valala kuzia kogoneka Daudi vamwiite mugambazuri. Mikali, mukali wa Daudi yaamwiganihiza; “Niiva siuliruka vudiku vwa lero, mugamba ulakuza.”