Zaburi 35:10 - KITABU KITAKATIFU

¹⁰ Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 35:10 ပူးပေါင်းရင်းမြစ်များ

2 Samweli 22:18

Yambonyia kutura ku avasigu vange vizingulu kandi kutura ku yavo vosi avadunyira - vaali avizingulu ligali ku inzi.

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 102:3

Livamwoyo liange likamaa vuzwa kuli mwochi; Muviri gwange gwadukaa kuli muliru mu kisambiru chi vivia.

Zaburi 103:6

Yahova akalagira avadambi ni likaraga liu vulungi kandi avaheezaa uvulungi vwavo.

Zaburi 109:31

Kigira Yahova akingaa avadaka, kandi avahonyiaa kutura ku yavo avavakalagiraa likuza.

Zaburi 140:12

Inzi manya ndi Yahova akingaa lienya lia vadambizwa. Kandi ahaanaa likalaga liu vulungi ku vadaka.

Zaburi 140:13

Avalungi valizominya ivi ligali; avasuuvirifu valamenya imbiri woovo.

Zaburi 146:7

Ahaanaa likalaga liu vulungi ku avadambizwa; kandi ahaanaa chukulia ku avinzara. Yahova avohololaa avahambe,

Zaburi 18:17

Yambonyia kutura ku avasigu vange vizingulu, kandi kutura ku yavo vosi avandunyira. Vaali ni zinguru zinene ligali kuvita inzi.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 22:24

Yahova siadunyiraa kandi sialekaa avadedekere mu kivi chavo mba. Siagirung'anaa kuvaleka mba, lwa vanira kuye avakoonye, avativuliranga.”

Zaburi 32:3

Lwa ndaavura kwiyama uvwoni vwange, ndaluha ligali kigira likenya liange lie lidiku liosi.

Zaburi 34:20

Yahova alindaa vigumba vie miviri jaavo, na sikeveeye ho kali kilala kuvio kinyala kusalira mba.

Zaburi 34:6

Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

Zaburi 37:14

Avandu vadamanu vatuliza vivavi viavo, kandi vuta vwavo kulasa nu kwita avandu vadaka na avadambi, kandi kusinza avandu vaveeye avalungi,

Zaburi 38:3

Muviri gwange gwosi guunzunaa kigira uvutima vuvwo. Kali vigumba viu muviri gwange viveeye mu vuzunu vonene; kigira uvwoni vwange.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 69:33

Yahova ahulirizaa lisaala lia yavo avaveeye vadaka, kandi si yiviliraa avandu veve avaveeye mu vuhambe mba.

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jeremia 20:13

Mwimbiri Yahova! Mwizominye Yahova! Kigira asoolanga avadambi kutura kuzinguru zia avandu vadamanu.