Zaburi 34:3 - KITABU KITAKATIFU

³ O, mulandizi harara ninzi, ovonene vwa Yahova. Kwizominye lieta lilie harara!

Zaburi 34:3 ပူးပေါင်းရင်းမြစ်များ

1 Kyetsinyinga 16:10

Mwikuminyiri lieta lilie litakatifu; Vandu vosi vasangale mu Yahova!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

2 Kyetsinyinga 29:30

Mwami Hezekia harara na aviimiliri vi zihiiri valaga vandu va Levi kwimba zinyimbu ziu kwizominya Yahova na makuva ga Daudi na Asafu muporofeti. Vosi viimba zinyimbu ziu vusangali nu kwizominya Yahova, ma viinama haasi ni vasigamira Yahova.

Zaburi 35:27

Leka yavo avenyaa vaandole nimbohololeywi vahanzuki nuvusangali kandi vayaanzayaanze kazozo nokovoora, “Yahova aveeye munene ligali! Ayaanzizwa ni liguuta liu mutumikiri weve.”

Zaburi 40:16

Leka yavo vosi avaazaa ivi, vasangale kandi vayanze, leka yavo avaveeye nilisandiza kigira ovohonyi vuvwo vavoole kazozo, “Yahova aveeye munene ligali!”

Zaburi 66:8

Zihiiri ziosi kwizominye Nyasaye wiitu! Leka lizominya lienyu liduuki kuhulika!

Zaburi 69:30

Inzi ndizominya Nyasaye nu lwimbu, ndalandiza ovonene vwivwe ku lihaana lisaandiza kuye.

Zaburi 69:33

Yahova ahulirizaa lisaala lia yavo avaveeye vadaka, kandi si yiviliraa avandu veve avaveeye mu vuhambe mba.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Luka 1:46

Maria yavoola, “Mwoyo gwange gwizominyaa Mwami.

Vikolwa 19:17

Avandu vosi va Efeso, Avayuda na Avaguriki, vamanya makuva yaga. Vosi vaali nu vuti, nivakuminya Mwami Yeso.

Vafilipi 1:20

Ilikayirwa ni lisuuvirizwa liange linene liveeye ndi, inzi mburi kwononya miyinzi jange, navuzwa vuli kazozo mbitilira kalunu ndakave nu vuluviliri ligali, kunangwa mu liiva liange liosi ndakaleete uvukumi ku Kristo, kali niiva ndava mwoyo anoho nguzi.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”