Zaburi 34:18 - KITABU KITAKATIFU

¹⁸ Yahova aveeye ahimbi ni yavo avi mioyo jaavo jiveeye midedekere, kandi ahonyiaa yavo avamali kogotiza lisuuvirizwa liavo liosi.

Zaburi 34:18 ပူးပေါင်းရင်းမြစ်များ

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

Zaburi 119:151

O, Yahova, navuzwa ivi oveeye ahimbi ni inzi, kandi amalago googo goosi gaveeye agiligali.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Zaburi 75:1

O, Nyasaye, kuhaana lisandiza ku ivi; kuhaana lisandiza ku ivi ligali. Kulandizaa kuli ivi oveeye munene ligali kandi kovoolera avandu vindu viokogenyia via ivi wakola.

Zaburi 85:9

Ligali Yahova yeetegeki kohonyia yavo avamuhezaa uluyali, na uvukumi vwivwe vuduuki komenya mu kivala chietu.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Ezekieli 36:26

Ndamuha umwoyo muhia, kandi ndaviika Roho muhia mu munyi. Ndatuliza mu munyi umwoyo mudinyu gwi ligina na ndaviika mu munyi umwoyo gwi liegehiza.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.