Zaburi 34:14 - KITABU KITAKATIFU

¹⁴ Aleke ku vudamanu na okole uvulahi, wenye mirembe nu mwoyo gugwo na ujilonde.

Zaburi 34:14 ပူးပေါင်းရင်းမြစ်များ

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 120:7

Lwa inzi mboraa nyenya mirembe, yavo venya uvulwani.

Zaburi 37:27

Utuli ku vudamanu vwi zing'ano ziosi, na okole uvulahi, na ndio ulamenya mihiga ni mihiga.

Zaburi 39:2

Ndachiring'ana machiriri vugira kovora kindu; sindavoola kindu kali kilala kilahi mba! Navuzwa vusaliri vwange vwameedeka ligali;

Tsing'ano 13:14

Amigizu gu mugeri gaveeye kisinukiru chi livamwoyo; galamuhononokiza kutura mu mutego gwi likuza.

Tsing'ano 3:7

Utaganagana oveeye mugeri mba, utie Yahova kandi utakola uvudamanu mba.

Tsing'ano 4:24

Utavoola kindu kitaveeye chagiligali mba. Utahambana navovovehi mba, kandi makuva guvuchamu mba.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Matayo 5:9

“Vaveeye nuvugasu avalombi vimirembe, kigira valalangwa avana va Nyasaye.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Varumi 12:18

Niganyalika kolovega lwinyu, muve ni mirembe na vandu vosi.

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

1 Vatesalonike 4:11

Muve ni lienya lio komenya mu liiva lio kwehozeriza vuli mundu akole makuva geege mwene, kuganagani uvutumiki vwinyu aveene, kandikakole miyinzi namakono geege mwene kuli wa kwamuvolera maziambiri.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

1 Petro 3:11

Gamudukira alekane nu vudamanu na akole vulahi; adukanaa yegombe mirembe nu mwoyo gwigwe gwosi.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.