Zaburi 33:7 - KITABU KITAKATIFU

⁷ Yavungiza amazi gi zinyanza ziosi nagaviika havundu harara, avungiza zinyanza ziosi kuli mundu avungiza vuswage mu kedeera.

Zaburi 33:7 ပူးပေါင်းရင်းမြစ်များ

Ayubu 26:10

Nyasaye yavika ulwako imbiri wa amazi amanene, ni yavukanyia uvulavu kutura ku kisundi.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Kutwula 15:8

Wahuuza kunyanza, na amazi gavunga igulu ligali; gasingira igulu vulungi kuli lidigi; ululiva lwu musi ligali lwinyanza lwagwa ludinyu.

Tsing'ano 8:29

kandi nalaga mazi ginyanza gavuli kuvita hayaali nalagizi. Ndaali ho lwayavika musingi gwi kivala.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Habakuk 3:15

Munyi mwaduvaga inyanza ni zibarasi zienyu, kandi ziakola mazi gi zinguru gatuliza lufulu.

Joshua 3:13

Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.