Zaburi 33:6 - KITABU KITAKATIFU

⁶ Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 33:6 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

Litanga 1:6

Nyasaye yalaga, “Voveho uvwerefu hagati ha mazi kwavukanyia mazi ku mazi.”

Litanga 2:1

Kunangwa Nyasaye yamala kolomba ligulu ni lirova kandi viosi iviveeye mu.

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Litanga 6:7

ma navoora ndi, “Inzi ndadiviza avandu yava avandamala kolomba, kandi nizinyama namanyonyi, kigira mbeeye novovereri ndi ndaavilomba.”

Ayubu 26:13

Ku mwika gwigwe Nyasaye yahuuza no kolomba ligulu kolengera, kandi numukono gwigwe yita goyoka gwu munyanza ugwali ni gwirukaa.

Ayubu 33:4

Roho wa Nyasaye yanomba; numwika gwu Wuvunyali Wanyala Viosi gwaamba livamwoyo.

Zaburi 104:30

Navuzwa lwa ivi wilanyia mwika muvio, vivezaa ni livamwoyo kandi; kandi uhaanaa livamwoyo lihia ku lirova.

Zaburi 33:9

Lwa Yahova yamoloma likuva, lirova lialombwa. Ku lilaga lilie, vindu viosi vialoleka.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Yohana 20:22

Lwa yamala kovora yaga, yavaherera mwika navavoolera, “Vuguli Roho Mutakatifu.

Varumi 1:25

Vagirung'anyia agiligali ga Nyasaye kuva vovehi; vasigamira nu kutumikira vindu via Nyasaye yalomba mu vogono vwu Mulombi mwene, udukana kwizominywa mihiga ni mihiga! Amini.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Vahebraina 11:3

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.

2 Petro 3:5

Avandu yavo aveene vivilira kumanya ndi lwimbiri Nyasaye yahaana lilago, na ligulu kandi lirova vialombwa. Lirova lialombwa kutura ku mazi kandi na mazi,