Zaburi 33:12 - KITABU KITAKATIFU

¹² Vaveeye nu vugasu avandu va Nyasaye wavo aveeye Yahova. Vaveeye nu vugasu avandu va yatovola kuva aveeve umwene.

Zaburi 33:12 ပူးပေါင်းရင်းမြစ်များ

2 Samweli 20:19

Lidaala lietu ni linene ligali, lilala ku yago agaveeye gi mirembe kandi amasuuvirifu ligali kuvita goosi mu Isiraeli. Kigira ki ogerizaa kulidiviza? Wenyaa kwononyia ekeveeye cha Yahova?”

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Zaburi 144:15

Vaveeye nu vugasu avaveeye ni liiva kuli yili, kandi vaveeye nu vugasu yavo ava Nyasaye aveeye Yahova wavo.

Zaburi 28:9

O, Yahova, ohonyie avandu vovo kandi uvagasize. Ove mwayi wavo kandi uvalindi mihiga ni mihiga.

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Kwidzulitsa 32:9

Kidieli cha Yahova keveeye avandu veve visukululwi via Yakobo viveeye miandu jije.

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.