Zaburi 33:10 - KITABU KITAKATIFU

¹⁰ Yahova yononyiaa zing'anagani zia avizihiiri valohiza kokora. Avakolaa vavuli kuduukiza lilohiza liavo.

Zaburi 33:10 ပူးပေါင်းရင်းမြစ်များ

Litanga 11:8

Kunangwa Yahova yaavasalanyia mu lirova liosi, na valekera kwumbaka lidaala linene.

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 15:34

navuzwa unyala kongonya niiva wirana mu lidaala linene kandi ovolele Abisolomu ndi ulamutumikira kalunu nu vusuuvirifu kuli watumikira baba weve. Okole goosi agunyala ukuhing'anyia zing'anagani ziosi zia Ahizofeli ahaanaa.

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

2 Avami 6:9

Navuzwa Elisha yatuma makuva ku mwami wa Isiraeli, namwiganihiza avuli kuzia ahimbi na havundu yaho kigira Avasiria valii ni vagoneki ahene yaho.

Nehemia 4:9

Navuzwa kwaasaala ku Nyasaye wiitu kandi nikuviika avasaza ukulinda mbasu nuvudiku.

Zaburi 140:8

O, Yahova, utaha avachamu cha venya mba; utaleka lilohiza liavo liu muvwivisu lizizagiliri mba.

Zaburi 21:11

Valomba lilohiza liavo, nukumuganaganira uvudamanu. Navuzwa sivalaguuta mba.

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 19:3

Ndagoyanyia lilohiza lia vandu va Egebeti, kandi ndononyia amakuva gaavo. Valazia kwenya ovokonyi kutura ku vifananyi viavo, kandi valazia ku valaguli na vakumu kwenya zing'anagani kutura ku vakuzu.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Malaki 1:4

Niiva visukululwi via Esau, avandu va Edomu vavoola, “Madaala giitu gamali kudivizwa, navuzwa kulagumbaka vuhia,” maku Yahova alakativuli, “Leka vagumbake vuhia, ndagasambula kandi. Avandu valalanga vandu va Edomu, ‘Kivala kichamu kandi ihiiri ya Yahova aveeye nayo nu vutima mihiga ni mihiga.’ ”