Zaburi 32:5 - KITABU KITAKATIFU

⁵ Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Zaburi 32:5 ပူးပေါင်းရင်းမြစ်များ

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

2 Samweli 24:17

Daudi yalora engelosi uwaali niyiita avandu, kandi navolera Yahova, “Inzi niyie uhioye. Ni inzi okoli uvudamanu. Avandu vadaka yava vakoli ki? Gadukanaa ombe amageri na avinyumba yange.”

1 Avami 8:50

Samiiha vwoni vwavo vwosi, kandi liebaala liavo liosi ku ivi, kandi olombe vasigu vaavo vavakolere vulahi.

2 Kyetsinyinga 6:29

huliriza lisaala liavo. Niiva mulala ku vandu vovo Isiraeli, mulienya lio mwoyo gwu vovereri, anyiira makono geege nu kuhenziza ku Litembeli yili mu lisaala.

Ezara 10:11

Maku kalunu, mwiyame uvwoni vwinyu ku Yahova, Nyasaye wa vaguuga vinyu. Mukore kolondekana ni lienya lilie kwiyahuli aveene kutura ku vandu avageni avamenyi mu kivala chienyu, kandi muleke avakali avageni.”

Ayubu 31:33

“Avandu vandi vageriza kuvisa uvwoni vwavo, navuzwa inzi ngikiri kuvisa uvwoni vwange kali hakuzu mba.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Zaburi 103:3

Yahova asamiiha uvwoni vwange vwosi, kandi ahonyia uvulwaye vwange vwosi.

Zaburi 25:16

O, Yahova, girung'ana ombeenze, na ombere zimbavasi; kigira mbeeye nekesoma kandi mudedekere.

Zaburi 25:18

Henza ku lidambizwa kandi lisalirizwa liange, na usamihi vwoni vwange vwosi.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 38:18

Nziyamaa uvwoni vwange, kandi mbereraa kuvwo.

Zaburi 38:19

Avasigu vange vaveeye avalamu kandi vizingulu, vaveeye avanyingi avandunyira vugira kivuni.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Tsing'ano 30:20

Mukali oveeye muheyi akolaa kuli ndi: akolaa voheyi, ma yisinga, kandi avoora, “Ngoli kindu kidamanu mba!”

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 2:35

‘Kunyi si koveeye nimbara mba; gaveeye agiligali ndi Yahova siaveeye nu vutima ni kunyi mba.’ Navuzwa inzi Yahova ndamuha amageri kigira muvooraa ndi simwakola uvwoni mba.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Kyavalevi 5:5

Lwu mundu woosi anyoleka kuva muhioli, gamuduukira yiyame vwoni vwivwe vwa yakola,

Malaki 3:8

Inzi ndeva munyi ndi, voveeye vulahi mundu kugaada Nyasaye? Awa sigaveeye vulahi mba, navuzwa munyi mungadaa, kandi muteeva, ‘Kugaada kuli ndi?’ Mungadaa lwa muhaanaa kidieli chi likomi kandi mu vihaanwa.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Luka 7:47

Kunangwa, ngovolera, vuyanzi vonene vwa amali kumanyia vudinyirizaa ndi, uvwoni vwivwe vunyingi vumali kusamiifa. Navuzwa ku vosi umali kusamiifa hakekeke amanyia vuyanzi vokekeeke vuzwa.”

Vafeso 4:32

Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”