Zaburi 32:3 - KITABU KITAKATIFU

³ Lwa ndaavura kwiyama uvwoni vwange, ndaluha ligali kigira likenya liange lie lidiku liosi.

Zaburi 32:3 ပူးပေါင်းရင်းမြစ်များ

2 Samweli 11:27

Lwi ing'inga yilisioma yamalirika, Daudi yaamutumana yaaze munyumba yu vwami; yamanya naagwa mukali weve kandi namwivulira mwana muyaayi. Navuzwa Yahova siyayaanzizwa nicha Daudi yaali naakori mba.

Ayubu 3:24

Kigira lizuunwa liu vusaliri liange nilio chukulia change, na lilira lie likenya lizukiywi kuli amazi.

Ayubu 30:17

Ing'inga yu vudiku, vigumba viange vizunaa vululu; kandi vuzunu vungugunaa sivoveeye ni lisosa kali hakuzu mba.

Ayubu 30:30

Ligodo liu muviri gwange ligwiyi limwamu, kandi limali kulanduluka; muviri gwange gusambiywi nuluya.

Zaburi 22:1

Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 38:3

Muviri gwange gwosi guunzunaa kigira uvutima vuvwo. Kali vigumba viu muviri gwange viveeye mu vuzunu vonene; kigira uvwoni vwange.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 6:2

Ombere zimbavasi, O, Yahova! Zinguru ziange zifeye ombonyie kutura mu vulwaye vwange, O, Yahova,

Tsing'ano 17:22

Kuva nu vuyanzi kolomba mundu kuva nu vulamu. Kuduunya ing'inga yoosi ni likuza liagalaha.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 3:4

Umali kokora ligodo liange ni inyama yange yu muviri kukunguha kandi avunanyi vigumba viange.

Lisyoma lya Jeremia 3:8

Kali lwandaniraa vudinyu anoho nikulira kigira ovokonyi asuraa kuhaana mativuli ku lisaala liange.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

1 Samweli 31:13

Ahene yaho vaavugura vigumba kandi nivaviyavira yo isi wu musaala gwa Tamarisiki mu lidaala, kandi vahonga lilia ku madiku saba.