Zaburi 31:7 - KITABU KITAKATIFU

⁷ Ndayaanza nukusangara kigira uvuyanzi vuvwo vutahera mba, ivi ololaa uvusaaliri vwange ivi umanya vudinyu vwange.

Zaburi 31:7 ပူးပေါင်းရင်းမြစ်များ

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Ayubu 10:9

Wizulizi ndi ivi wanomba kutura ku madohi, kandi ulashonoranyia kunziranyia mu luguchi?

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 119:153

O, Yahova, henza ku vusaliri vwange na ombonyie, kigira si nziviriraa amalago googo mba.

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 142:3

Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

Zaburi 25:18

Henza ku lidambizwa kandi lisalirizwa liange, na usamihi vwoni vwange vwosi.

Zaburi 71:20

Ivi umali kumbika mu vudinyu vululu ligali kandi nuvusaliri vunyingi. Navuzwa ulanziranyira zinguru; ulambonyia kutura mu likuza.

Zaburi 9:13

O, Yahova! Ombere zimbavasi, lola uvusaliri vwa avasigu vange valeta ku inzi! O, Yahova, osoore kutura mu kivi chi likuza,

Zaburi 90:14

Okohe uvuyanzi vuvwo vutali nekeheri vuli mugamba zuri. Kunangwa kuduuki kwimba nukusangara mu livamwoyo lietu liosi.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Lisyoma lya Jeremia 3:50

Kuduuka lwa Yahova ahenza hasi kutura mwigulu ma akolole.

Lisyoma lya Jeremia 5:1

Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?