Zaburi 31:23 - KITABU KITAKATIFU

²³ Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

Zaburi 31:23 ပူးပေါင်းရင်းမြစ်များ

Zaburi 145:10

O, Yahova, vilombe vivio vilizominya ivi, kandi avandu vatakatifu vovo vosi valakusandiza.

Zaburi 145:20

Yahova alindaa yavo vosi avamuyanzaa, navuzwa aladiviza avachamu vosi.

Zaburi 30:4

Mwimbiri Yahova zinyimbu zie lizominywa, O, munyi mwosi avasuuvirifu veve; mwizurizi aga uyu Mutakatifu amali kokora na mumusandize!

Zaburi 34:9

Muyi avandu va Nyasaye, mutie kigira yavo avamuhulira, sivagehera kindu kali hakuzu mba.

Zaburi 54:5

Nyasaye alahaana amageri ku vasigu vange kolondekana nu uvudamanu vwavo aveene. Nyasaye alavadiviza kigira aveeye musuuvirifu.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 94:2

Ivi oveeye mukalagi wa vandu vosi; singira na uhaane ku vandu avuluyayi kidukanaa navo!

Zaburi 97:10

Yahova ayaanza yavo avadunyiraa uvudamanu; akingaa livamwoyo lia vandu veve; avahonyiaa kutura kuzinguru zia avachamu.

Isaya 38:10

Ndaganagana ndi ndakuza nimbeeye hagati hi mihiga jie limenya liange, nukuzia mu kivala cha vakuzu na mburi komenya kandi.

Isaya 56:6

Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Marko 12:23

Kalunu, lwa avakuzu vosi valisimuguka ku lidiku lie lisimuguka, mukali uyu aliva wa vwaha? Kigira avamwavo yavo saba vosi vaali naye kuli umukali wavo.”

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 32:41

ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.