Zaburi 31:15 - KITABU KITAKATIFU

¹⁵ Inzi mbeeye mu vulindi vuvwo kazozo, ombonyie kutura ku vasigu vange kandi ombonyie kutura ku yavo avandambizaa.

Zaburi 31:15 ပူးပေါင်းရင်းမြစ်များ

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

Ayubu 24:1

Kigira ki Nyasaye siavikaaho ing'inga yi likalagirwa, lidiku lie likalaga lirungi ku yavo avamutumikiraa?

Zaburi 116:15

Likuza lia vatakatifu va Yahova, liveeye liuvukumi imbiri weve.

Zaburi 140:7

O, Yahova, Mwami wange, muhonyi wange wizingulu, Ivi umali kukinga inzi kuli inguva mu vulwani.

Zaburi 142:6

Huliriza ku lianira liange liukwenya ovokonyi, zinguru ziange zimali kogeeha ligali; Ombonyie kutura ku vasigu vange, vaveeye ni zinguru ligali kuvita inzi.

Zaburi 143:12

Kigira uvuyanzi vuvwo vwa kazozo ku inzi, wiite avasigu vange, kandi udivize vosi avadambizaa mwoyo gwange, kigira inzi mbeeye mutumikiri woovo.

Zaburi 143:3

Avasigu vange vamali konondelera ligali, kandi vamali kunguuta ligali. Vamali kumbika mu kisundi kenene, mbeeye kuli yavo avakuza kale.

Zaburi 143:9

O, Yahova, nziza ku ivi osoore, ombonyie kutura ku vasigu vange,

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 25:2

O, Nyasaye wange, suuviraa mu ivi. Utaleka mbe mu zisoni utaleka avasigu vange vasangale kigira liguutwa liange!

Zaburi 91:2

alavolera Yahova, “Ivi oveeye chukwirukira mu change kandi imbinga yange. Ivi oveeye Nyasaye wange; suuviraa mu ivi.”

Kutwula 40:37

Kolohoono lwi lilesi liamenya aheene yaho vugira kwisunda, sivasambulaa, anaho sivasuundaa ahokososa haavo mba.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Jeremia 31:18

“Inzi mbulira avandu va Isiraeli nivavoora muvovereri, ‘Yahova kwali kuli mutugu gutatugwa, navuzwa wakwigiza kutia amalago. Ukwiranyie; kwetegeki kwirana ku ivi, Yahova Nyasaye wiitu.

Luka 9:51

Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Yohana 12:27

“Kalunu mwoyo gwange gohendaa. Nambole ki? Mbore, ‘Baba, ombonyie ku ing'inga yu vusaliri yiyi?’ Awa, kigira yiki nicho chagira inze ninziza kunangwa nduuki kuvitira mu ing'inga yu vusaliri yiyi.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Yohana 7:30

Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba.

Yohana 7:6

Kunangwa, Yeso yavavolera, “Ing'inga yange ikikiri kuduuka. Navuzwa ku munyi ing'inga yinyu eveeye ho kazozo.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 27:24

Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’

2 Petro 1:14

Manyi ndi ndaaza nguzi vwangu, kuli Mwami wiitu Yeso Kristo yambolera havulavu.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.