Zaburi 31:10 - KITABU KITAKATIFU

¹⁰ Ovovereri vumaliiyi zinguru zie livamwoyo liange liosi kandi lisioma limbihiizi livamwoyo liange. Mbeeye mudedekere kuturana nu vudinyu vwange vwosi, kali vigumba viange viumi.

Zaburi 31:10 ပူးပေါင်းရင်းမြစ်များ

Ayubu 3:24

Kigira lizuunwa liu vusaliri liange nilio chukulia change, na lilira lie likenya lizukiywi kuli amazi.

Zaburi 13:2

Ndikuzira ku vudinyu kuduuka ng'inga ki? Ovovereri vulizula mu mwoyo gwange mbasu nu vudiku kuduuka ng'inga ki? Avasigu vange valigingilira nu kusangalira vudinyu vwange kuduuka ng'inga ki?

Zaburi 27:7

O, Yahova, yaanza uhulire lianira liange; ombere zimbavasi ma undivuliri.

Zaburi 38:3

Muviri gwange gwosi guunzunaa kigira uvutima vuvwo. Kali vigumba viu muviri gwange viveeye mu vuzunu vonene; kigira uvwoni vwange.

Zaburi 39:11

Ivi uhaanaa amageri ku vwoni vwu mundu ku ligondoka liilio. Kali ohenzeriza ligali uvulahi vwivwe nu kumudiviza, kuli izisere ziononyia viukulia muchage. Gaveeye gi ligali ndi, vuli mundu aveeye vuzwa kuli umwika.

Zaburi 6:8

Tuli ku inze, munyi avandu vadamanu! Yahova ahuliraa lisioma liange kigira ovokonyi.

Zaburi 71:9

Utaasuula kalunu kigira mu vusakulu vwange mba; Utaandeka kalunu lwa mbeeye mudedekere mba.

Zaburi 78:33

Kunangwa yaaheriza madiku gaavo kuli mwika, kandi livamwoyo liavo liahera nonoho kuturana nikivi.

Zaburi 88:15

Inzi ndaakubizwa kivi kutura vwana vwange kali nimba ahimbi kukuza. Nduhi ligali kuturana nuvuliduhu vwa mageri googo.

Varumi 9:2

Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange,