Zaburi 30:11 - KITABU KITAKATIFU

¹¹ Ivi umali kugirung'anyia ovovereri vwange kuva vusangali; umali kutuliza ho ovovereri vwange na ungumbirizi nuvusangali.

Zaburi 30:11 ပူးပေါင်းရင်းမြစ်များ

Litanga 37:35

Vayaayi vosi na vakana veve vaza kumuleminya mwoyo, navuzwa yasura koleminywa mwoyo. Yavoola, “Inzi ndakazie hasi mukivala chavakuzu ningisioma muyaayi wange.” Kunangwa yaazizagilira kusioma muyaayi weve Josefu.

Litanga 45:28

Kunangwa yavoola, “Muyaayi wange Josefu akikiri mwoyo! Ni yaga geng'ine aga nyenyi kumanya! Inzi ndazia kumulora ni ngikiri kukuza.”

2 Samweli 6:14

Daudi, niyiviiki inguvu ya ikatani niyevohi mu kisindi yaavina nizinguru ziosi ukuhaana luyali ku Yahova.

2 Kyetsinyinga 20:12

Ivi oveeye Nyasaye wiitu! Haana amageri kuvo, kigira sikoveeye kindu imbiri wi liihi linene yili ilikulwanaa. Sikumanyi cha kunyala kokora, navuzwa kusuuviraa ndi ivi ulakokonya.”

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

2 Kyetsinyinga 20:9

‘Niiva ikivi choosi kiladuuka ku kunyi nu kuhaana amageri; vulwani, vulwaye vudamanu anoho inzara, hene yaho, kulaaza kusingira imbiri wi Litembeli yili ha ivi usigamirangwa. Kulasaala ku Ivi mu vudinyu vwitu, na ivi ulakuhulira nu kokohonya.’

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Zaburi 149:3

Mwizominye lieta lilie mu livina. Mukubi zindumba nuvukana mu limwizominya.

Zaburi 150:4

Mumwizominye ni zindumba kandi nilivina. Mumwizominye nuvukana kandi namalere.

Zaburi 27:7

O, Yahova, yaanza uhulire lianira liange; ombere zimbavasi ma undivuliri.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 4:7

Navuzwa uvusangari vwa ivi umali kumba vuviti ligali vwa yavo valiva navwo kali nivaveeye niinganu kandi niwaini.

Kohelethu 3:4

Ing'inga yu kulira kandi ing'inga yo koseka, ing'inga yu kusioma kandi ing'inga yu kuyaanza,

Isaya 25:3

Avandu vi zihiiri zie zinguru valakakwizominyi. Madaala manene gi zihiiri zinduru galakakutie.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 52:33

Kunangwa Jehoyakini yaavugilirwa kugirung'ana kutura mu zinguvu zizie ziu vuhambe kandi kuzia kulia harara nu mwami kazozo mu livamwoyo lilie liatigala liosi.

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”