Zaburi 30:1 - KITABU KITAKATIFU

¹ O, Yahova, nzizominyaa ivi, kigira umali kombonyia; na sioleki avasigu vange vasangaliri kivi chiange mba.

Zaburi 30:1 ပူးပေါင်းရင်းမြစ်များ

2 Samweli 20:3

Lwa Daudi yaduuka hanyumba yu vwami mu Jerusalemi, yavugula vakali vaviika vaali likomi va yaali niyaaleka kulinda munyumba yu vwami, kandi yavavika hasi huvulindi vuduukiru. Yavaha vindu viosi via venya, navuzwa siyagona ku navo mba. Vaviikwa hasi huvulindi vuduukiru ku madiku gi livamwoyo liavo liosi nivamenyi kuli avakunzakali.

2 Samweli 24:25

Maku yumbakira Yahova uvwali kandi nahaanira ku vihaanwa viukusambwa kandi vihaanwa viemirembe. Yahova yaavugilira lisaala lia Daudi, kandi uvulwaye vudamanu vwalekera mu kivala cha Isiraeli.

2 Samweli 5:11

Mwami Huramu wa Tiro yatuma avatumwa vi viasala ku Daudi; yamuha misaala ji midaragwa kandi na avavaazi na avumbaki vizinyumba zia magina ukwumbakira Daudi inyumba yu vwami.

2 Samweli 6:20

Inyima wa yaga, Daudi yazia yengo kugasiza vandu avinyumba yeeye, Mikali yatura ichova kumwaganira. Yamuvolera, “Mwami wa Isiraeli yelombeeye lieta linene mwene kalunu kumanyia chahonyo chiche umwene kuli musiru imbiri wi zimoni zia vatumikiri vakali va vanene veve!”

2 Samweli 7:2

Maku Mwami yavolera muporofeti Nazani, “Menyi hano munyumba yumbakirwa midaragwa, navuzwa Lisandugu lie Lilagana lia Nyasaye liavikwa mu Lihema!”

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Kyetsinyinga 21:6

Na kigira Joabu si yavugilira lilaga liu mwami, si yavaliza vandu vi zihiiri zia Levi na Benjamini mba.

Zaburi 13:4

Utaleka avasigu vange vavoole, “Kumali kumuguuta.” Utaleka vasangaliri liigwa liange mba.

Zaburi 140:8

O, Yahova, utaha avachamu cha venya mba; utaleka lilohiza liavo liu muvwivisu lizizagiliri mba.

Zaburi 145:1

O, Nyasaye wange kandi mwami wange inzi ndalandiza ovonene vuvwo, ndakusandiza mihiga ni mihiga.

Zaburi 25:2

O, Nyasaye wange, suuviraa mu ivi. Utaleka mbe mu zisoni utaleka avasigu vange vasangale kigira liguutwa liange!

Zaburi 27:6

Kunangwa, ndaguuta avasigu vange avamali kungumberiza. Ndahaana visiuviliru ku Yahova mu Litembeli lilie ni zinyimbu ziuvusangali. Ndimba lwimbu lwu kwizominya Yahova.

Zaburi 28:9

O, Yahova, ohonyie avandu vovo kandi uvagasize. Ove mwayi wavo kandi uvalindi mihiga ni mihiga.

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 41:11

Nandio ndamanya ndi ivi uyanziziywi na inzi, nikivuni ndi, avasigu vange vavuli kunguuta.

Zaburi 66:17

Ndanira kuye yangonye, kandi ndamwizominya mu liemba zinyimbu

Zaburi 79:10

Kigira ki avandu vi zihiiri vakoteeve ndi, “ Nyasaye winyu aveeye haliha?” Leka kolole ivi nuhaana amageri ku zihiiri yizi kigira vamali kwita avatumikiri vovo.

Zaburi 79:4

Zihiiri zia kumberiza kunyi zikonyegaa vuli kazozo, zi kosekeliza nu kokokolera kehenyahenye.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Kwidzulitsa 20:5

“Maku avanene va vasikari valavoolera liihi, ‘Nivwaha ku munyi umali kwumbaka inyumba imbia, navuzwa akikiri kugingiriza? Niiva gaveeye ndio, kuduuka yirani yengo weve, gase alakuzira mu vulwani na mundu wundi yingirizi inyumba yeeye.