Zaburi 3:3 - KITABU KITAKATIFU

³ Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 3:3 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 40:13

Muing'inga ya madiku gavaga, mwami alakovoholora, kandi alakusamiiha nukukwiranyia ku miyinzi jijo. Ivi ulahaana iwaini ku mwami kuli wahaanaa maziambiri lwa waalange mulindi wi waini yeeye.

2 Avami 18:30

Kandi mutaleka amugoonye munyi musuuviri ku Yahova mba. Mutaganagana hawundi Yahova alamuhonyia, kandi aligalira liihi lia Asiria kuvula kugumira lidaala linene lienyu.

2 Avami 18:32

kuduuka lwu mwami yirana kumukola mu menye mu kivala ekeveeye kuli ichiinyu aveene, haveeye ni vizabibu ukuhaana iwaini, kandi haveeye nu vuswage vwo kolomba migadi. Keveeye kivala chi mizeituni, maguta ga muzeituni kandi uvwuki. Niiva mulakola aga amulagaa, simulakuza mba, navuzwa mulava mwoyo. Mutaleka Hezekia amusiruharize mu liganangana ndi Yahova alamuhonyia.

2 Avami 25:27

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura mu jera. Yaga gekoleka ku lidiku lia Sirini na saba liu mweli gwa komi na mbiri gwu muhiga wa salasini na saba inyima wa Jehoyakini yaali navuguliywi kuli muhambe.

Zaburi 110:7

Mwami alanwa amazi kutura mu mugera gwu kunzira, kandi niyakanyoola zinguru alasingira mu vuguuti.

Zaburi 119:114

Ivi oveeye mukingi wange kandi musooli wange. Mbikaa lisuuviriza liange mu lilagana liilio.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 27:6

Kunangwa, ndaguuta avasigu vange avamali kungumberiza. Ndahaana visiuviliru ku Yahova mu Litembeli lilie ni zinyimbu ziuvusangali. Ndimba lwimbu lwu kwizominya Yahova.

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 4:3

Mwizurizi kumanya ndi Yahova umali kotovola avalungi kuva vandu veeve mwene. Yahova ahulira lwa musaala kazozo.

Zaburi 62:7

Ovohonyi vwange nuluyali lwange vituraa ku Nyasaye. Nyasaye aveeye mukingi wange wizingulu; aveeye uvuhaliru vwange.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”

Kwidzulitsa 33:29

Ugasiziywi, O, ivi Isiraeli! Siaveeye ho numulala oveeye kuli ivi, ihiiri yahonywa na Yahova? Yahova aveeye kivavi chienyu kandi inguva yinyu alamukinga kandi alamuha liguuta. avasigu vinyu valaza kumuteeva zimbavasi.

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.