Zaburi 29:11 - KITABU KITAKATIFU

¹¹ Yahova ahaanaa zinguru ku vandu veve, kandi avagasizaa ni mirembe.

Zaburi 29:11 ပူးပေါင်းရင်းမြစ်များ

Zaburi 138:3

Lwa ndaanira ku ivi, waandivulira; ivi umali komeeda inzi zinguru.

Zaburi 37:11

Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.

Zaburi 68:35

Nyasaye aveeye wukutihiza ligali lwa atulaa u Hatakatifu hehe Nyasaye wa Isiraeli! Ahaanaa zinguru nuvunyari ku vandu veve. Nyasaye yizominywi!

Zaburi 72:3

Leka kivala keve nu uvutugi, leka vigulu vileetere avandu uvulungi; utugulu twizuli uvulungi.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 85:8

Mbulirizaa ku aga Yahova Nyasaye avoora; asuuvirizaa kuhaana mirembe ku kunyi, avandu veve vene, niiva sikulirana kuzia mu zinzira zietu ziuvusiru.

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 40:29

Yahova ahaanaa zinguru kuyavo avaveeye avadedekere, kandi adinyirizaa yavo avakuzaa mioyo.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

1 Vakorintho 1:3

Nyasaye Baba wiitu kandi Mwami Yeso Kristo ahaane ku munyi zimbavasi.

Vafeso 2:17

Kunangwa, Kristo yaza, niyilwaza Ivangeri yi mirembe ku vosi, ku munyi vandu vizihiiri, avamwali ihale kutura ku Nyasaye, kandi ku Avayuda, avaari ahimbi kuye.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;