Zaburi 28:9 - KITABU KITAKATIFU

⁹ O, Yahova, ohonyie avandu vovo kandi uvagasize. Ove mwayi wavo kandi uvalindi mihiga ni mihiga.

Zaburi 28:9 ပူးပေါင်းရင်းမြစ်များ

2 Samweli 21:3

Kunangwa Daudi yalanga avandu va Gibeoni navavoolera, “Nyara kumukolera ki? Nyenya nzilanyie uvulahi ku vudamanu vwa mwakolerwa, kunangwa muduuki kugasiza avandu va Yahova.”

2 Samweli 7:7

Mu zing'endo ziange ziosi harara na avandu va Isiraeli sindateeva ku mundu kali mulala ku aviimiliri va ndaatovora ndi, kigira ki vakikiri kunyumbakira Litembeli liumbakirwa midaragwa.’

1 Avami 8:51

Vaveeye vandu vovo kandi miandu jijo, avandu kutura Egebeti, kutura hagati hi kisambiru chi kivia.

1 Avami 8:53

Ivi wavaahulira kutura hagati ha vandu vosi vi lirova kuva miandu jijo, kuli wavatovola kuvitira mu Musa, Mutumikiri woovo, lwa waleeta avaguuga viitu kutura Egebeti.”

Ezara 1:4

Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 25:22

O, Nyasaye, ohonyie avandu vovo Isiraeli, kutura mu vudinyu vwavo vosi.

Zaburi 78:71

kutura ku miyinzi jukwaya magondi; kandi yamukola ave mwami wa Isiraeli umwayi wa vandu va Nyasaye.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Matayo 2:6

‘Na ivi O, Bezelehemu, mu kivala chi Vuyuda, si oveeye ligali muke hagati ha avamihi vi Vuyuda mba kigira kutura ku ivi, alaza mwami uliva mwayi wa vandu vange, Isiraeli.’ ”

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Kwidzulitsa 1:31

kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Kwidzulitsa 32:9

Kidieli cha Yahova keveeye avandu veve visukululwi via Yakobo viveeye miandu jije.

Kwidzulitsa 9:26

Kandi ndasaara ku Yahova, ‘O, Yahova Nyasaye Wuvunyali, utadiviza avandu voovo mba, avandu vawahonyia kandi nuvaleeta kutura Egebeti ku vonene vuvwo kandi ku zinguru zizio zinene.

Kwidzulitsa 9:29

Kali ndio yava vaveeye avandu vovo, va ivi watovola vave avoovo kandi avawatuliza Egebeti kuzinguru zizio zinene kandi ku vunyali vuvwo.’