Zaburi 28:7 - KITABU KITAKATIFU

⁷ Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 28:7 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 13:6

O, Yahova, ndakwimbira zinyimbu ziuvusangali, kigira umali kokola agaveeye amalahi ku inzi.

Zaburi 19:14

Makuva gange kandi zing'anagani ziange zivugiriki ku ivi, imbiri woovo, O, Yahova, uvuhaliru kandi mutungiri wange.

Zaburi 21:1

O, Yahova, Mwami aveeye nuvusangali kigira wamuha zinguru; asangalaa kigira wamuha liguuta linene.

Zaburi 22:4

Avaguuga viitu vaviika lisuuvira liavo mu ivi. Vaasuuvira ivi, na ivi wavahonyia.

Zaburi 28:8

Yahova aveeye zinguru zia vandu veve, aveeye imbinga yo vohonyi yu mutovole weve.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 3:4

Nzanira ku Yahova kigira ovokonyi kandi yandivuliraa kutura ku kiguru chiche kitakatifu.

Zaburi 33:21

O, Yahova, kusangara mu ivi, kigira kusuuviraa mu lieta liilio litakatifu.

Zaburi 37:39

Yahova alahonyia avandu valungi, kandi alavasoola mu zing'inga ziu vudinyu.

Zaburi 40:3

Yanzigiza kwimba lwimbu luhia, lwimbu lwi lizominya ku Nyasaye wiitu. Avanyingi avalolaa yaga, valanyora lieganihiza, kandi vasuuvira, Yahova Nyasaye.

Zaburi 43:2

Ivi oveeye mukingi wange; kigira ki ondeki? Kigira ki nzizagiliri kusalira kutura ku lidambizwa lia vasigu vange?

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:2

Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Zaburi 69:30

Inzi ndizominya Nyasaye nu lwimbu, ndalandiza ovonene vwivwe ku lihaana lisaandiza kuye.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.