Zaburi 27:5 - KITABU KITAKATIFU

⁵ Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 27:5 ပူးပေါင်းရင်းမြစ်များ

2 Kyetsinyinga 22:12

Yamuvisa mu Litembeli lia Nyasaye ku mihiga sita lwa Azalia yaamiihaa kivala chi Ivuyuda kuli mwami wikikali.

Zaburi 10:1

O, Yahova, kigira ki usingiraa ihale? Kigira ki wivisaa lwa koveeye mu vudinyu?

Zaburi 119:114

Ivi oveeye mukingi wange kandi musooli wange. Mbikaa lisuuviriza liange mu lilagana liilio.

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 18:33

Alombaa inzi kunyagula kuli embongo, kandi angolaa kusingira nuvuluviliri.

Zaburi 31:20

Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

Zaburi 31:21

Yahova yizominywe! Lwa ndaakumbirizwa nu kwingilirwa kuli lidaala linene lingilirangwa, yamanyia uvuyanzi vwivwe vwokogenyia uvutali ne keheri.

Zaburi 40:2

Yang'usa kutura mu vogo vwuvuhimwa kandi kutura mu vodohi vwe kedende. Yasingiriza ku lwanda mu mirembe; kandi nandinyiriza kusingira vudinyu.

Zaburi 40:3

Yanzigiza kwimba lwimbu luhia, lwimbu lwi lizominya ku Nyasaye wiitu. Avanyingi avalolaa yaga, valanyora lieganihiza, kandi vasuuvira, Yahova Nyasaye.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 61:2

nzanira ku ivi, mu likuza mwoyo kandi nimbeeye ihale ligali kutura yengo, umbile ha vuhaliru vwi mirembe.

Zaburi 61:3

Kigira ivi oveeye uvuhaliru vwange, ukingaa inzi kutura ku vasigu vange.

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 83:3

Valohiza zing'anagani kwingilira avandu vovo, kandi vaganagana mu vwivisu kulwaana avandu vovo va ukingaa.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Vakolosai 3:3

Munyi mwamala kukuza na livamwoyo lienyu liaviswa na Kristo mu Nyasaye.