Zaburi 27:1 - KITABU KITAKATIFU

¹ Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 27:1 ပူးပေါင်းရင်းမြစ်များ

Ayubu 29:3

Ing'inga yeyo ya Nyasaye yang'ereng'ana ku inzi, kandi ndaagenda mu vulavu vwivwe kuvitira mu kisundi.

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Zaburi 118:21

O, Yahova nzizominyaa ivi kigira umali kuhulira lianira liange, kandi umali kumba liguuta.

Zaburi 118:6

Yahova aveeye harara ni inzi, kandi si nyara kutia mba. Mundu vuzwa anyala kongola kindiki?

Zaburi 18:28

O, Yahova Nyasaye wange, ombezaa vulavu, na utulizaa ho kisundi change.

Zaburi 18:29

Ombeezaa zinguru nduuki kwingilira avasigu vange, kandi zinguru ukuguuta liekinga liavo.

Zaburi 18:46

Yahova aveeye mwoyo! Mukingi wange yizominywe! Landiza ovonene vwa Nyasaye ombonyia!

Zaburi 19:14

Makuva gange kandi zing'anagani ziange zivugiriki ku ivi, imbiri woovo, O, Yahova, uvuhaliru kandi mutungiri wange.

Zaburi 3:8

Ovohonyi vuturaa ku Yahova; Kandi agasizanga avandu veve.

Zaburi 43:2

Ivi oveeye mukingi wange; kigira ki ondeki? Kigira ki nzizagiliri kusalira kutura ku lidambizwa lia vasigu vange?

Zaburi 62:2

Oyo niyie yeng'ine oveeye mukingi wange kandi umuhonyi vwange ombonyiaa; aveeye imbinga yange; sindaguutwa ligali mba.

Zaburi 62:6

Oyo niyie yeng'ine oveeye lwanda lwange kandi ombonyiaa, oveeye imbinga yange, sindadengeyizwa ligali mba.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 2:5

Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Luka 2:30

Kigira zimoni ziange zimali kolola vohonyi vuvwo,

Luka 3:6

Avandu vosi valakalole ovohonyi vwa Nyasaye.’ ”

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Kwidzulitsa 7:18

Mutavatia mba; mwizurizi aga Yahova Nyasaye winyu yakola ku Mwami wa Egebeti kandi ku avandu veve vosi.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 7:10

Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”