Zaburi 26:8 - KITABU KITAKATIFU

⁸ O, Yahova, nyanza mu Litembeli liilio aha omenyi havundu hu vukumi vuvwo vomenyaa.

Zaburi 26:8 ပူးပေါင်းရင်းမြစ်များ

2 Samweli 15:25

Maku Mwami Daudi yavolera Zadoku, “Yiranyia Lisandugu lieligana mu Lidaala linene. Niiva Yahova ayanziziywi niinzi, lidiku lilala alakaleke ndirane kulilola kandi havundu ha limenya.

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

2 Kyetsinyinga 5:14

na avasaalisi sivakora miyinzi jaavo mba, kigira lilesi liali linyingi, na vukumi vwa Yahova vwiizula mu Litembeli lia Nyasaye.

2 Kyetsinyinga 7:1

Lwa mwami Solomoni yaali niyakamara lisaala lilie, umuliru gwiika kutura mwigulu nigusamba vihaanwa viukusambwa beyi kandi visiuviliru viali nivihaaniywi viosi; na ovong'ereng'anu vwu vukumi vwa Yahova vwizula Litembeli.

2 Kyetsinyinga 7:2

Vasaalisi sivali vanyara kwingira mu Litembeli lia Yahova mba, kigira uvukumi vwa Yahova vwizula mu du.

Zaburi 122:9

Kigira Nyanza Litembeli lia Yahova oveeye Nyasaye wiitu, musaviraa uvugasu.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Isaya 38:20

Yahova, alakambonyie. Kigira yaga kulakakubi vukana kandi kulakimbi zinyimbu ziukwizominya ivi, kulimba nu kwizominya ivi mu Litembeli liilio mu madiku gi livamwoyo lietu liosi.

Isaya 38:22

Maku mwami Hezekia yateeva, “Ni kelolekizu ki kimanyia ndi inzi ndazia kusigamira Yahova mu Litembeli?”

Ezekieli 3:12

Maku Roho wa Nyasaye yang'inga igulu, kandi ndaahulira inyima wange muhuumu munene gwu mwoyo ugovolaa ndi, “Uvukumi vwa Yahova mwigulu igulu vwizominywe!”

Luka 2:46

Inyima wa madiku gavaga vamunyoola mu Litembeli, niyikaye hagati ha avigizi va Vayuda, navahulirizaa nukuvateeva mateeva.

Luka 2:49

Naye yavativulira, “Kigira ki ni munyenya? Simumanyi ndi gaduukanaa inzi mbe munyumba ya Baba wange?”