Zaburi 26:11 - KITABU KITAKATIFU

¹¹ Navuzwa inzi mbeeye mulungi imbiri woovo, yaanza ombere zimbavasi kandi ombonyie!

Zaburi 26:11 ပူးပေါင်းရင်းမြစ်များ

Nehemia 13:14

Unzizulizi, O, Nyasaye wange, vindu viosi yivi, kandi vikolwa viange vilahi via inzi mali kokolera Litembeli liilio kandi kigira kukusigamira.

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Zaburi 101:2

Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

Zaburi 26:1

O, Yahova, umbalize kuva vugira imbara, kigira inzi ngolaa agaveeye malungi, kandi suuviraa ivi ligali.

Zaburi 49:15

Navuzwa Nyasaye alasoola. Alambonyia kutura mu zinguru zie likuza.

Zaburi 49:7

Mundu umwene sianyala kwitungira mba; sianyala kutunga Nyasaye uvuguli vwi livamwoyo lilie mba,

Zaburi 69:18

Hamba ku inzi, na ombonyie, osoore ku vasigu vange.

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.