Zaburi 25:9 - KITABU KITAKATIFU

⁹ Yimiliraa avahooma munzira eveeye inungi, kandi avigizaa uvulariri vwivwe.

Zaburi 25:9 ပူးပေါင်းရင်းမြစ်များ

Zaburi 119:35

Unzimiliri mu zinzira zia malago googo, kigira nyooraa uvusangari mugo.

Zaburi 119:66

Ombe ovogeri kandi limanya kigira suuviraa mu malago googo.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 147:6

Yahova anenehiza avahocha, navuzwa aduvulanyiraa avadamanu hasi.

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Zaburi 23:3

Alombaa mwoyo gwange kuva ni zinguru. Anzimilira mu zinzira ziu vulungi kigira lieta lilie.

Zaburi 27:11

O, Yahova, unzigize kokora aga wenyaa ngole, kandi unzimiliri kunzira yimirembe, kigira mbeeye na vasigu vanyingi.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Zaburi 76:9

Wasingira kuhaana likalaga, okohonyia vosi avadambizwa ku lirova.

Tsing'ano 8:20

Ng'endaa kunzira yu vulungi; nondaa zinzira ziageligali.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

Matayo 5:5

“Vaveeye nuvugasu avaveeye avahooma, kigira valanyora imiandu ji lirova.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Vagalatia 5:23

ovohocha, kandi ukwilinda. Sihaveeye ho ni lilaga lisuulanaa na makuva kuli yaga mba.

Vahebraina 10:20

Yakwigulira inzira imbia, yi livamwoyo, kuvitira mu isuuka yu kukinga, agaveeye kovora kuvitira mu muviri gwigwe mwene.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.