Zaburi 25:6 - KITABU KITAKATIFU

⁶ O, Yahova, wizulizi, uvugasu kandi uvuyanzi vuvwo uvutahera mba. Uvwa umali kumanyia kunyi kutura kale.

Zaburi 25:6 ပူးပေါင်းရင်းမြစ်များ

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

Litanga 32:9

Maku Yakobo yasaala, “Nyasaye wa guuga wange Aburahamu, Nyasaye wa Isaka, hulira lisaala liange! Ivi wambolera, O, Yahova, nzirane mukivala change kandi ku viko vange, na ulangolera vulahi.

2 Kyetsinyinga 6:42

O, Yahova Nyasaye, utasula mwami wa umali kotovola. Wizulizi uvuyanzi vwa waali navwo ku mutumikiri woovo Daudi.”

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 9:19

Navuzwa Ivi siwavaleka yeyo wengine mu changalangwe mba kigira zimbavasi zizio ni zinene. Ivi siwatuliza ho lilesi kinga muliru, ugwavamanyia inzira ya valonda ku mu ing'inga ya mbasu kinga vudiku.

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 103:4

Yahova niye ombonyia kutura mu kilindwa, kandi angasizaa nu vuyanzi vwivwe vutaveeye ne keheri kandi zimbavasi.

Zaburi 106:1

Mwizominye Yahova! Musandizi Yahova kigira aveeye mulahi; uvuyanzi vwivwe vuhindiraa mihiga ni mihiga.

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 107:1

“Musandizi Yahova, kigira aveeye mulahi, uvuyanzi vwivwe vuhindiraa mihiga ni mihiga!”

Zaburi 119:77

Ombere zimbavasi na inzi nduuki kuva mwoyo, kigira inzi sangaliraa mu malago googo.

Zaburi 40:11

O, Yahova, inzi manya ndi siulalekela kombeera zimbavasi mba, uvuyanzi vuvwo nu vusuuvirifu vuvwo, vilaniinda vulahi kazozo.

Zaburi 69:13

Navuzwa inzi O, Yahova, ndasaara ku ivi. O, Nyasaye, yaanza undivuliri lisaala liange mu ing'inga ya ivi mwene otovola. O, Nyasaye, yaanza undili kigira vuyanzi vuvwo ovonene ku inzi, kigira ivi unduukizaa lilagana liilio lio kohonyia.

Zaburi 69:16

O, Yahova, undivuliri makuva gilianira liange, mu vulahi vwu vuyanzi vuvwo vutaveeye ne keheri. Kolondekana ni zimbavasi zizio, yaanza ombonyie.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Kutwula 15:13

Kuli oveeye musuvirifu ku lisuuviriza, wimilira avandu vovo va wavahonyia kuzinguru zizio wavimilira kuduuka mu kivala kitakatifu.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Danyeli 9:18

Nyasaye hulira lisaala lietu, henza ku vudinyu vwa koveeye navwo, kandi vusaliri vwi lidaala liilio. Kusaala ku ivi kigira oveeye wi zimbavasi, navuzwa si gaveeye kigira kokora uvulungi mba.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Luka 1:54

Vaduukiza lilagana lia yalagana na vaguuga; kandi umali kuza kokonya mutumikiri weve Isiraeli.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

2 Vakorintho 1:3

Gendi kuhaane lizominywa ku Nyasaye Baba wu Mwami wiitu Yeso Kristo, Baba wi zimbavasi kandi Nyasaye wo vokonyi vwosi.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

1 Yohana 3:17

Niiva mulala ku aveeye nu vutugi vwu mu kivala, na alole amwavo weve naveeye ni lienya maavuli kumukonya, vuyanzi vwa Nyasaye vulava ndi muye?