Zaburi 25:3 - KITABU KITAKATIFU

³ Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 25:3 ပူးပေါင်းရင်းမြစ်များ

Litanga 49:13

“Zabuloni alamenya ahimbi nulujinga lwi inyanza. Alava inyambuku yi zimeri. Lwako lwilwe lulazia kuduuka Sidoni.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

Zaburi 109:3

Vavoola ivindu vidamanu ligali ku inzi kandi vaanduliraa vugira kivuni.

Zaburi 119:78

Leka avandu vuluyayi vaviikwi mu zisoni kigira vamali kuung'ina ligali, navuzwa inzi ndaganagana ligali ku amigizu googo.

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 22:6

Navuzwa inzi simbeeye mundu kandi mba; mbeeye vuzwa eng'ende. Ndegeelizangwa nokokolerwa kehenyahenye na vandu vosi!

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 31:17

O, Yahova, utaandeka muzisoni mba, kigira nzanira ku ivi. Navuzwa leka avachamu vanyoore esoni. Leka viiki machiriri mu vilindwa.

Zaburi 31:18

Kiringanyia avagaadi yavo! Avandu vaveeye nilielora kandi niliegingira, avamolomaa ni lilegeriza ku valungi.

Zaburi 33:20

Kwasuuvira Yahova ni mioyo jietu josi, aveeye likingwa lietu kandi vokonyi vwetu.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 6:10

Avasigu vange vosi valava soni kandi valahenda mwoyo. Valilanywa nukuviikwa mu zisoni vwangu.

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Zaburi 62:5

Nindiliraa Nyasaye nuvwikuziri ligali; kigira lisuuvirizwa liange litulaa kuye.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Zaburi 69:6

O, Nyasaye Wuvunyali utaleka ndete zisoni ku yavo avasuuviraa mu ivi mba! O, Nyasaye wa avandu va Isiraeli, Utaleka ndete lileganywa ku yavo avasigamiraa ivi mba!

Zaburi 71:13

Leka avanyingiliraa vaguutwi kandi vadivizwi. Leka yavo avagerizaa kusaliriza vakolwe vaduuki mu zisoni kandi valeganywe.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Lisyoma lya Jeremia 3:25

Yahova aveeye mulahi ku yavo vosi avaviika lisuuvirizwa liavo muye, ku oyo umwenyelerizaa.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.