Zaburi 25:18 - KITABU KITAKATIFU

¹⁸ Henza ku lidambizwa kandi lisalirizwa liange, na usamihi vwoni vwange vwosi.

Zaburi 25:18 ပူးပေါင်းရင်းမြစ်များ

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

Zaburi 119:132

Unziranili kandi ombere zimbavasi, kuli okolera yavo vosi avayaanzaa ivi.

Zaburi 119:153

O, Yahova, henza ku vusaliri vwange na ombonyie, kigira si nziviriraa amalago googo mba.

Zaburi 132:1

O, Yahova wizulizi Daudi, kandi nuvudinyu vwosi vwa yikuzira ku.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 5:1

Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

Matayo 9:2

Hene yaho, vamuleetera umundu waali ni yaafogoya, naagoni ku kidali chiche. Lwa Yeso yalora lisuuvira lia vaali nalio, yavolera umundu wafogoya oyo, “Lema mwoyo, mwana wange! Usamihiywi uvwoni vuvwo.”

Luka 1:25

“Kalunu Mwami amali kumanyia zimbavasi zizie ku inzi. Anduliziyi zisoni ziambezaa nazio imbiri wa vandu.”

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”