Zaburi 25:14 - KITABU KITAKATIFU

¹⁴ Yahova aveeye mulina wa yavo avamuhulira; kandi adinyirizaa lilagana lilie navo.

Zaburi 25:14 ပူးပေါင်းရင်းမြစ်များ

Litanga 17:13

Vuli mulala kuduuka akevwe, kandi yiki kilava kelolero chu muviri kumanyia ndi lilagana liange ni munyi liveeye limihiga ni mihiga.

Tsing'ano 3:32

Kigira Yahova adunyiraa vandu vakora vudamanu. Navuzwa yayisuuviriza kigira valungi veve.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Kwidzulitsa 4:13

Yamuvolera icha muduukana mukore kulinda lilagana lia yalomba ni munyi, kuduuka mulonde malago likomi, aga yang'oda ku vibaho viviri via magina.

Vakolosai 3:3

Munyi mwamala kukuza na livamwoyo lienyu liaviswa na Kristo mu Nyasaye.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.