Zaburi 25:12 - KITABU KITAKATIFU

¹² Yavo avatiizaa Yahova valiiga kutura kuye zinzira zia vaduukana valonde.

Zaburi 25:12 ပူးပေါင်းရင်းမြစ်များ

Litanga 26:2

Yahova yaali naloleki ku Isaka namuvooleye, “Utazia Egebeti mba; omenye mukivala yiki, uwa inzi ngovolera omenye.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 37:23

Yahova yimiliraa mundu mu zinzira ziaduukanaa alonde. Kandi asolaa yavo avamuyaanzizaa.

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 15:33

Liitia Yahova liveeye konyoora miigizu. Gakuduukiraa ove muhocha nulanyoola luyali.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 2:5

Niiva ulakola ndio, ulamanya kivuni chu kutia Yahova kandi ulanyora ovogeri vwa Nyasaye.

Tsing'ano 2:9

Niiva ulambuliriza, ulamanya agaveeye amalungi likalaga lirungi kandi liduukilu kandi ulamanya agadukanaa okole.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 11:14

Uyu alakovolera amakuva gahonyia ivi harara na avinyumba yooyo vosi.’

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Joshua 3:4

Kigira mukikiri kuduuka ku hano, valamumanyia inzira ya mulonda ku. Navuzwa mutisuundi ahimbi ni Lisandugu lia malago mba, muve ahimbi ikilomita ndala inyima walio kazozo.”

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Samweli 9:6

Mutumikiri zana oyo yativura, “Lindi! Mu lidaala yili haveeye mu nu mundu mutakatifu uwa vandu vahaana lizominywa ligali kigira vindu viosi via voora viduukizwa kuva via giligali. Genda kuzie kuye, hawundi anyala kukovolera aha kunyala konyoora zibunda yizi.”