Zaburi 25:10 - KITABU KITAKATIFU

¹⁰ Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Zaburi 25:10 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

2 Samweli 15:20

Omenyi hano ku ing'inga ngekeeke, kunangwa kigira ki ngolombe ovoyavoye harara niinzi? Kali inzi simanyi wa nziza mba. Yirana na uvuguli avasaza vache vikivala chicho valava nivi; Yahova ave mulahi kandi musuuvirifu ku ivi.”

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 33:4

Makuva ga Yahova gaveeye giligali, kandi miyinzi jije josi jiveeye misuuvirifu.

Zaburi 40:11

O, Yahova, inzi manya ndi siulalekela kombeera zimbavasi mba, uvuyanzi vuvwo nu vusuuvirifu vuvwo, vilaniinda vulahi kazozo.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 57:3

Alativuli kutura mwigulu na alambonyia, alaguuta avadambizi vange. Nyasaye alamanyia vuyanzi vwivwe vutali nekeheri.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 89:14

Uvulungi kandi agiligali viveeye umuse gwu vwami vuvwo; uvuyanzi vutaveeye ni keheri kandi uvusuuvirifu vilolekaa mu viosi via okolaa.

Zaburi 91:14

Nyasaye avoora, “Ndahonyia yavo avayaanzaa, kandi ndakinga yavo avambugiliraa kuli Yahova.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.