Zaburi 24:7 - KITABU KITAKATIFU

⁷ Mwigule virivwa vialame ligali. Mwigule viliango via kale, na umwami wovukumi aduuki kwingira.

Zaburi 24:7 ပူးပေါင်းရင်းမြစ်များ

2 Samweli 6:17

Valeta Lisandugu lie Lilagana kandi nivaliviika havundu halio, mulihema ha Daudi yaali niyalilombera. Maku, yahaana visiuviliru kandi zisadaka zie mirembe ku Yahova.

1 Avami 8:11

gaaka nuvulavu vohemahemanga kuli loheni lwi liiva liu uvukumi vwa Yahova, kandi sivali vanyara kwirana mu kokora miruka jaavo mba.

1 Avami 8:6

Maku avasaalisi vaginga Lisandugu lie Lilagana kulihila mu Litembeli kandi nivaliviika Havundu Hatakatifu ligali, Hasi, tisi vikerubi.

Zaburi 132:8

O, Yahova, hamba mu Litembeli ni Lisandugu lie Lilagana, iliveeye kelolero chi zinguru zizio, na omenye hano mihiga ni mihiga.

Zaburi 21:1

O, Yahova, Mwami aveeye nuvusangali kigira wamuha zinguru; asangalaa kigira wamuha liguuta linene.

Zaburi 21:5

Uvukumi vwivwe voveeye vonene kigira ovokonyi vuvwo. Ivi umali kumuha liizominywa lwuluyali.

Zaburi 97:6

Vigulu vilandizaa vulungi vwivwe, kandi zihiiri ziosi zilolaa vukumi vwivwe.

Isaya 26:2

Mwigule virivwa via madaala manene na muleke ihiiri isuuvirifu yingiri, ihiiri ya vandu vakora agaveeye malungi.

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Mika 4:8

Na Jerusalemi lidaala linene, ha Nyasaye aveeye kuli mwayi kulinda avandu veve, halava kandi lidaala linene lio vwami vwali uvwinyu.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Haggai 2:9

Litembeli lihia lilakave nu vukumi kuvita Litembeli likulu, kandi hene yaho ndakahaane ku vandu vange miandu kandi mirembe.” Yahova Wuvunyali umali kovora.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

Yakobo 2:1

Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”