Zaburi 24:4 - KITABU KITAKATIFU

⁴ Ni yavo avaveeye nivikolwa vilahi kandi ni mioyo mitakatifu, kandi yavo avatasigamiraa vifananyi kinga yavo avatiisuuhaa kuvugadi.

Zaburi 24:4 ပူးပေါင်းရင်းမြစ်များ

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 9:30

Niiva ndisaava umwene ni likonza, nukunihiza makono gange ni isavuni;

Zaburi 143:8

Unzizulizi vuli mugambazuri makuva kigira uvuyanzi vuvwo vwa kazozo vuli mugambazuri. Kigira inze mbikaa lisuuvira liange mu ivi, kandi masaala gange ganigiraa ku ivi; umanyie inzira ya nonda ku.

Zaburi 15:4

Mundu achaya avandu va Nyasaye amali kusuura, navuzwa ahaanaa uluyali ku yavo avatizaa Yahova, uyu akola goosi agaamali kulaga ndi alakola. Kandi sialagirung'ana mba.

Zaburi 18:20

Yahova yaambezaa amadanyi kigira ngolaa agaveeye malungi; yangasizaa kigira mbeeye vugira imbara.

Zaburi 25:1

O, Yahova, ng'inga mwoyo gwange ku ivi, mu lisaala!

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 51:12

Unzilanyili uvusangari uvutulaa ku vohonyi vuvwo, na ongole mbe ukuhulilaa.

Zaburi 73:1

Nyasaye aveeye mulahi ligali ku vandu veve, Isiraeli, ku yavo avaveeye avanifu mu mioyo.

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Ezekieli 18:15

kuli kulia visiuviliru kuvigulu, anoho avuli kusigamira vifananyi via vandu va Isiraeli, anoho avuli kwonogonyia mukali wu mutende weve,

Ezekieli 18:6

Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.