Zaburi 24:2 - KITABU KITAKATIFU

² Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

Zaburi 24:2 ပူးပေါင်းရင်းမြစ်များ

Litanga 8:22

Ku ing'inga lwi lirova likikiliho, ilavaho ni ing'inga yu kutaga, kandi ing'inga yo kogesa. Ilavaho kandi ing'inga yu vukindu kandi ing'inga yu luya, ing'inga yu vukindu, ing'inga yu umbasu, kandi umbasu nu vudiku. Zing'inga yizi ziosi si zilahera mba.”

Ayubu 38:4

Ivi waali haliha lwa ndalomba lirova? Mbolera niiva oveeye ni limanya linene.

Zaburi 136:6

Yumbaka lirova ku mazi gululiva ligali; kigira uvuyanzi vwivwe vuhindiraa mihiga ni mihiga.

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 95:4

Yamiha ku lirova liosi, kutura mu zimbangaywa ziu musi ligali kuduuka ku vigulu vitambi ligali.

Zaburi 96:10

Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.