Zaburi 22:6 - KITABU KITAKATIFU

⁶ Navuzwa inzi simbeeye mundu kandi mba; mbeeye vuzwa eng'ende. Ndegeelizangwa nokokolerwa kehenyahenye na vandu vosi!

Zaburi 22:6 ပူးပေါင်းရင်းမြစ်များ

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

Ayubu 25:6

Kunangwa na sindi mundu oveeye kiguguli, kandi mwana wu mundu oveeye eng'ende?”

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 31:1

O, Yahova, nzirukiraa ku ivi osoore, utaandeka nduuki kuguutwa, Ivi Nyasaye mulungi; ngusaala, ombonyie!

Zaburi 31:11

Avasigu vange vosi. Mbitilira avatende vange vaandegeriza ligali kuvita. Yavo avamanya inzi. Vaanzirukaa, lwa vandora kunzira.

Zaburi 41:5

Avasigu vange vavoola ivindu vidamanu ku inzi. Venya nguzi kandi nzivililwi ligali!

Zaburi 88:8

Okoli avalina vange vandeke; umali kongola chukuvihiliriza kuvo; mbaniywi mu ligali kandi sinyala kwiruka mba.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Lisyoma lya Jeremia 3:30

Leka ahaane lusaya lwilwe ku mulala unyala kumukuya, kandi leka ave mulilegwa.

Matayo 11:19

Umwana wa Adamu yaza, nalia kandi naanwa, navo vavoola, ‘Heenzi muhuvaali kandi muhambiki uyu! Mulina wa avasololi vuvusuuru na avoni!’ Kali ndio, ovogeri vwa Nyasaye vololekizwa kuva uvulungi kolondekana ku vikolwa viavwo.”

Matayo 12:24

Navuzwa lwa Avafarisayo vagahulira, vavoola “Mundu uyu akunga amademoni kuzinguru zia Belizebuli, munene wa amademoni.”

Yohana 7:15

Kunangwa, avanene va Avayuda vagenya ligali, nivavoora, “Mundu uyu anyoora hayi vogeri, naye siyasooma mba?”

Yohana 7:20

Avandu yavo vaamutivulira, “ Oveeye nilidemoni! Nivwaha wenyaa kukwita?”

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Vahebraina 13:12

Kigira yaga Yeso kandi yakuzira ichova wi lidaala linene aduuki kutakasa avandu kutura muvwoni na masahi geege mwene.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!