Zaburi 22:5 - KITABU KITAKATIFU

⁵ Vanira ku ivi, ma nivahona kutura mu vuhimwa. Vaasuuvira ivi na sivaviikwa mu zisoni kali hakuzu mba.

Zaburi 22:5 ပူးပေါင်းရင်းမြစ်များ

1 Kyetsinyinga 5:20

Vaviika lisuuvira liavo mu Nyasaye, ma nivaanira kuye avahe ovokonyi; na Nyasaye yavativulira lisaala liavo, kandi navakola avaguuti ku Vahagari na vakonyeleri vaavo.

Zaburi 106:44

Navuzwa Yahova yahulira lwa vanira kuye, kandi yalora lidambizwa liavo.

Zaburi 31:1

O, Yahova, nzirukiraa ku ivi osoore, utaandeka nduuki kuguutwa, Ivi Nyasaye mulungi; ngusaala, ombonyie!

Zaburi 71:1

O, Yahova, nziza ku ivi ukingi inzi; utaleka avasigu vange vanguuti mba!

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.

Vakalagi 6:6

Avandu va Midiani vaakora vandu va Isiraeli kugwa avadaka kuduuka lwa vanira Yahova avakoonye.