Zaburi 22:16 - KITABU KITAKATIFU

¹⁶ Kiduma cha avandu vadamanu kingumbirizi; vambodong'ani kuli kiduma chi zimbwa zinduru pa. Vatandulanyia makono nivirenge viange kuli isimba.

Zaburi 22:16 ပူးပေါင်းရင်းမြစ်များ

Zaburi 22:1

Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 22:20

Ombonyie kutura ku kivavi; honyia livamwoyo liange kutura kuzinguru zie zimbwa yizi!

Zaburi 38:11

Avalina na vatende vange sivanyala kuuza ahimbi ninzi mba, kigira vatiiyi lifunya lie zingwagu ziange. Kali avinyumba yange vaasingiyi ihale kutura ku inzi.

Zaburi 59:14

Avasigu vange viranaa vuli hamugorova, nivalokaa kuli zimbwa, nivavoyavoya mu lidaala linene liosi,

Zaburi 59:6

Viiranaa vuli hamugorova, nivalokaa kuli zimbwa, nivavoyavoya mu lidaala linene.

Zaburi 86:14

O, Nyasaye, avandu vigingiri vazaa nu kunwaana; muganda gwa vandu valulu vageriza kunzita, avandu vataveeye ni liegehiza imbiri woovo.

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 26:57

Yavo avagumira Yeso vamuhira wa Kayafa, Musaalisi Munene, aha avigizi vi Lilaga na vakulundu vaali nivavuganiyi.

Matayo 27:35

Lwa vaali nivakamuvamba, vagavulana izinguvu zizie mu likuba zikuura kuzio.

Matayo 7:6

“Mutaha izimbwa vindu vitakatifu, gase zilagirung'ana ma zimutanduli; anoho mutasigisira zinguruvi iziluulu zienyu, gase zilaziduvagira hasi.

Marko 15:24

Maku vaamuvamba, kandi ni vagavulana izinguvu zizie, nivazikubira ikura valore iyavuli mundu anyoora.

Luka 23:23

Navuzwa vazizagilira kuhanzuka vudinyu numwoyo gwosi nivenya kuzinguru, Yeso avambwe. Mu limalirika, lihanzuka liavo liaguuta.

Luka 23:33

Lwa vaduuka ahalangwa “Gologoza” - iliveeye kovora “Ha Kihaanga”, vavaambira Yeso ahene yaho, kandi vaviika vandu vaali vakoli vudamanu yavo, mulala ku mukono mulungi nu wundi ku mukono mumosi.

Yohana 19:23

Lwa Avasikari vaali ni vakavamba Yeso, vaavugura zinguvu zizie nivazigavulanyia mu vidonye vine, vuli musikari kedonye kilala. Vaavugura kandi iganza yeeye yaali niyanavwa mu kedonye kilala, kutura igulu kuduuka ku virenge.

Yohana 19:34

Navuzwa mulala ku avasikari yatooza mu zimbalu zia Yeso ni litimu, nonoho amasahi kandi amazi viasunduka.

Yohana 19:37

Mang'oda Matakatifu gandi gavoora, “Avandu valahenza ku uyu wa vaatumita ni litimu.”

Yohana 20:25

Kunangwa, aviigi vandi vamuvolera, “Koololi Mwami.” Tomasi yavavolera, “Nindalola zimbara zie misumari mu makono geege, nu kudiira kedete change muzio, kandi kudiira mukono gwange mu zimbalu zizie, sinyala kusuuvira mba.”

Yohana 20:27

Maku yavolera Tomasi, “Leeta kedete chicho udiiri mu zimbara zia makono gange; leeta mukono gugwo uhambe mu zimbalu ziange. Utava nilihayahayiza, navuzwa usuuviri!”

Vafilipi 3:2

Mugerihi ku yavo avakolaa vindu vidamanu, vaveeye ku zimbwa, avandu vavoola kuduuka yavo vakalage imiviri jaavo.

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.