Zaburi 22:1 - KITABU KITAKATIFU

¹ Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 22:1 ပူးပေါင်းရင်းမြစ်များ

Ayubu 3:24

Kigira lizuunwa liu vusaliri liange nilio chukulia change, na lilira lie likenya lizukiywi kuli amazi.

Zaburi 10:1

O, Yahova, kigira ki usingiraa ihale? Kigira ki wivisaa lwa koveeye mu vudinyu?

Zaburi 16:1

O, Nyasaye, osoore, kigira nzirukiraa ku ivi nyoore mirembe.

Zaburi 22:11

Utava ihale ku inzi mba! Ikivi, keveeye ahimbi; na sihali numulala wokongoonya.

Zaburi 22:16

Kiduma cha avandu vadamanu kingumbirizi; vambodong'ani kuli kiduma chi zimbwa zinduru pa. Vatandulanyia makono nivirenge viange kuli isimba.

Zaburi 26:9

Utandiviza harara na vandu vuvwoni, kandi ombonyie ku kivi kilidukira ku viiti,

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 71:11

Vavoola, “Nyasaye umuleki, gendi kumulondelere na kumugumiri; sihaveeyeho numulala wukumuhonyia.”

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Kyavalevi 2:6

Ulagodonyanyia kandi usunduli ku amaguta lwa uhaana kuli kihanwa.

Matayo 27:46

Lwi ing'inga yaduuka ahimbi zisa tisa, Yeso yalira nu mwoyo munene, “Eli, Eli, lama sabakatani?” Livoora liago liveeye, “Nyasaye wange, Nyasaye wange, kigira ki ondeki?”

Marko 15:34

Lwa yaduuka zisa tisa Yeso yalira nu mwoyo umunene navoora, “Eloi, Eloi, lama sabakatani?” Liveeye kovora, “Nyasaye wange, Nyasaye wange, kigira ki ondeki?”

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.