Zaburi 21:9 - KITABU KITAKATIFU

⁹ Alavadiviza kuli muliru gusambaa lwa alolekaa, Yahova alavamira vugara mu vutima vwivwe na umuliru gulavasamba.

Zaburi 21:9 ပူးပေါင်းရင်းမြစ်များ

Litanga 19:28

Aburahamu yahenza ku madaala ga Sodoma na Gomora, na yalora mwoki niguduumaa kutura mu livona lie kivala choosi, kuli mwochi gutulaa mu kisambiru ekenene.

Ezara 6:12

Kusaala Nyasaye watovola Jerusalemi kuva havundu hu kumusigamira, ayaanze aguuti mwami woosi anoho ihiiri yoosi egerizaa kwonogonyia lilago yili kandi kudiviza Litembeli lia Nyasaye iliveeye mu Jerusalemi. Inzi mwami Dariasi mali kuhaana lilaga yili. Kuduuka lilaga yili liduukizwi.”

Ayubu 6:3

vwakave nuvuliduhu vonene ligali kali kuvita vuliduhu vwu muyeke mu inyanza, na kigira yaga, makuva gangega mali kuva malulu ligali.

Zaburi 106:17

Hene yaho lirova liakunuka ma nilimira Dazani, kandi nilikunika Abiramu harara na avinyumba yeeye.

Zaburi 18:38

Ndaavatumita, nu kuvadiviza ligali, si valasingira kandi mba. Valagwa hasi hi virenge viange.

Zaburi 18:8

Mwochi gwaduuma kutura mu amuulu geege, na olomemo lusambaa na manda gu muliru gwaduka kutura munwa gwigwe.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 2:5

Maku aviganihizaa mu vutima vwivwe nukuvatiihiza mu livihirirwa lilie.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 13:42

nukulaswa mu kisambiru chu muliru. Ahene yaho avandu valalira nu kudiedieyiza amiinu.

Matayo 13:50

na valasiuva avachamu zana mu kisambiru. Ahene yaho avandu valalira nu kudiedieyiza amiinu.”

Matayo 22:7

Mwami oyo yavihilirwa, natuma avasikari veve nivadiviza aviiti yavo, nivasamba lidaala liavo.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.