Zaburi 21:5 - KITABU KITAKATIFU

⁵ Uvukumi vwivwe voveeye vonene kigira ovokonyi vuvwo. Ivi umali kumuha liizominywa lwuluyali.

Zaburi 21:5 ပူးပေါင်းရင်းမြစ်များ

2 Samweli 7:19

Nitali kalunu okolaa kali amanyingi ligali kuvita, O, Yahova umali kolomba lilagana kigira visukululwi viange mu mihiga jizaa. Oleki kandi mundu kolola yaga, O, Yahova Nyasaye Wuvunyali! Nyara komeeda kovora ki ku ivi!

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

1 Kyetsinyinga 17:27

Ngoteva nuyanza uduuki kugasiza visukululwi viange kunangwa valaduuki kuzizagilira kusangalira ligasiza liilio. Ivi, Yahova, umali kuvagasiza vosi, kandi uvugasu vuvwo vulamenya kuvo mihiga ni mihiga.”

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 61:7

O, Nyasaye, leka yaamihi mihiga ni mihiga imbiri woovo, umukiingi nuvuyanzi vuvwo vutali nekeheri kandi nu vusuuvirifu vuvwo.

Zaburi 62:7

Ovohonyi vwange nuluyali lwange vituraa ku Nyasaye. Nyasaye aveeye mukingi wange wizingulu; aveeye uvuhaliru vwange.

Zaburi 8:5

Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

Zaburi 96:6

Uvukumi novonene nuluyali vimukumbirizaa; kandi zinguru nuvulahi vizuyi Litembeli lilie litakatifu.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Yohana 17:22

Inzi mali kuvaha uvukumi vwa wamba, kunangwa vave kindu kilala kuli kunyi koveeye kindu kilala;

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.