Zaburi 20:8 - KITABU KITAKATIFU

⁸ Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 20:8 ပူးပေါင်းရင်းမြစ်များ

2 Avami 19:23

Watuma avatumwa vovo kunzingilira na magare googo gu vulwani gu watumikira kuguuta vigulu via Lebanoni. Wigingira kovora ndi uwene yeyo, watema nu kutuura haasi midaragwa mitambi milahi ligali, kandi waduuka mugati mwi militu.

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Zaburi 124:8

Ovokonyi vwitu vuturaa ku Yahova, uwalomba ligulu ni lirova.

Zaburi 125:1

Yavo avasuuviraa mu Yahova vaveeye kuli kiguru cha Ziyoni, kitanyala kusundwa, navuzwa kihindira mihiga ni mihiga.

Zaburi 33:16

Mwami sianyala kuguuta mu vulwani kigira iliihi lilie lie zinguru mba, musikari sianyala kuguuta avasigu veve kigira zinguru zizie mba.

Zaburi 33:17

Zibarasi ziu vulwani sizinyala koleta vuguuti mu vulwani mba. Zinguru zia zio zinene sizinyala kohonyia mba.

Tsing'ano 21:31

Unyala kwetegekiza zibarasi mu vulwani, navuzwa Yahova niye uhaana liguuta.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Joshua 11:4

Vaza na vasikari vi liihi vaavo vosi iliihi liali na vasaza vanyingi kuli muyeke ku lujinga lwinyanza. Vaali kandi ni zibarasi zinyingi kandi magare gu vulwani manyingi.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.

1 Samweli 17:45

Daudi yativura, “Ivi uzaa kunwana ni kivavi, litimu, lubanga kandi inguva; navuzwa inzi ndakulwaana mu lieta lia Yahova Wuvunyali, Nyasaye wa mahe ga Isiraeli, uwa ivi umali konyega.