Zaburi 20:6 - KITABU KITAKATIFU

⁶ Kalunu inzi manya ndi Yahova ahaanaa liguuta ku mwami mutovole weve; amutivuliraa kutura mwigulu mwimwe Mutakatifu, kandi amuhezanga liguuta linene kuzinguru zizie.

Zaburi 20:6 ပူးပေါင်းရင်းမြစ်များ

1 Avami 8:30

Hulira masaala gange kandi masaala ga vandu vovo, lwa vahenza havundu yaaha nukusaala. Noveeye hango hoho mwigulu, ukuhuliri, kandi ukusamihi.

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

Zaburi 17:7

Vuula uvuyanzi vuvwo vwokogenyia na ombonyie; ivi ohonyiaa aviirukiraa ku ivi ha mukono gugwo mulungi, inzi mboni kutura ku vasigu vange.

Zaburi 18:35

Ivi ombeeye inguva yo vohonyi vuvwo, kandi zinguru zizio ziniindi.

Zaburi 18:50

Nyasaye ahaanaa liguuta linene ku mwami weve; kandi amanyiaa uvuyanzi vutali nekeheri ku uyu wamali kotovola, ku Daudi harara ni visukululwi veve mihiga ni mihiga.

Zaburi 2:2

Avami vi lirova vibaara vene. Avamihi vaavo valomba zing'anagani mu vwivisu ukusuula Yahova Nyasaye Wuvunyali Viosi harara nu mwami mutovole weve.

Zaburi 28:8

Yahova aveeye zinguru zia vandu veve, aveeye imbinga yo vohonyi yu mutovole weve.

Zaburi 41:11

Nandio ndamanya ndi ivi uyanziziywi na inzi, nikivuni ndi, avasigu vange vavuli kunguuta.

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Mika 4:5

Vuli ihiiri ilasigamira nukutia vasigamira mu liitia umunyasaye waavo, navuzwa kunyi kurasigamira nu kutia Yahova Nyasaye wiitu mihiga ni mihiga.

Matayo 6:9

Kunangwa, gamudukira munyi musaale kuli ndi: ‘Baba wiitu oveeye mwigulu: Lieta liilio litakatifu lizominywi;

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 4:10

gamudukira munyi vosi mumanye, kandi gaduukiraa avandu vosi va Isiraeli, vamanye ndi, mundu uyu asingiraa hano imbiri winyu mulamu ligali kuvitira mu zinguru zie lieta lia Yeso Kristo wa Nazareti, uwa mwavaamba, kandi uwa Nyasaye yasimugukiza kutura mu likuza.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.